Wëllkomm - Bienvenue- Willkommen

 

 

 

 

Aktuelles

Dat neit Regionalmagasinn n°23 Hierscht/Wanter ass do!29/10/2020

Déi aktuell Ausgab dréint sech ronderëm d'Thema Bësch

Projetsiddi "Woll"26/10/2020

Opruff:
Wat maachen ech mat der Woll vu menge Schof?
Dat ass d'Fro, déi d'Schofsziichter oft stellen.
Déi 2. Fro kënnt vun den Handwierksleit an de Konschtschafenden: wou fannen ech regional Woll?
Wann dir interesséiert sidd méi iwwert d'Projetsiddi gewuer ze ginn da mellt iech beim Maggy Backes:
tel: 621 294 162 oder backesm@gmail.com

Projet ARNU - Archives régionales numérisées26/10/2020

Loosst Är historesch a kulturell Dokumenter déi vu lokalem a regionalem Intressi si gratis digitaliséieren a schützen!
Kontaktéieret de LEADER Lëtzebuerg West oder
Autisme Luxembourg asbl
Atelier de digitalisation "Back-Office"

Europäeschen Duerferneierungspräis 2020 05/10/2020

"Lokale Antworten auf globale Herausforderungen", dat ass de Motto 2020 vum Europäeschen Duerferneierungspräis.
Dëst Joer ass d'Gemeng Garnech nominéiert gi vum Landwirtschaftsministère an huet zesumme mat der LEADER Regioun Lëtzebuerg West seng Kandidatur gestallt.
Den 30. September war eng Visitt vum EDEP Jury.
Ugefaange gouf mat enger Presentatioun am Kinoler 🎥 zu Koler, duerno ass et ënnert anerem weidergaange mat enger Visitt vum Projet Make Koler Kooler, engem Passage bei der SES an am Wandpark, d’Presentatioun vun de lokale Veräiner an zum Ofschloss goung et an déi Al Schmelz op Stengefort.
De Georges Fohl, Buergermeeschter vun der Gemeng Garnich, den Arno Frising, Vertrieder vum Ministère fir Landwirtschaft, Wäibau a ländlech Entwécklung an d'Christiane Eicher-Karier, Presidentin vu LEADER Lëtzebuerg West hunn Explikatioune ginn iwwert d'Nominatioun vun der Gemeng Garnech, Biergerbedeelegung, Projeten an déi regional Entwécklung.
D'Resultater vum Concours gi sech am Fréijoer erwaart.

Déi nei Broschür vun der Landakademie ass do!02/09/2020

Aschreiwunge via de Site landakademie.lu

Accordéierte Projet11/08/2020

Foto: Marc Lazzarini - Standart

De Projet Entdeckt de Westen ass vum Ministère accordéiert ginn.

Zil vum Projet ass et, Aktivitéiten auszeschaffen fir de kulturelle Patrimoine vun der Regioun Famille mat Kanner tëschent 5-10 Joer méi no ze brengen.

Projet HistoSchool: Interaktive Wierfel am Mierscher Park 22/06/2020

Am Kader vum regionale LEADER-Projet HistoSchool ass bis elo an Zesummenaarbecht mat de Grondschoule flott Unterrechtsmaterial ausgeschafft ginn.
D'Zil vum Projet ass et de Grondschoulkanner déi regional Geschicht méi no ze bréngen.
Am Mierscher Park kënnt dir den interaktive Wierfel entdecke mat Informatiounen zu wichtege Personnage vu Miersch.

Fro de Bauer - direkt beim Produzent akafen 18/06/2020

Wärend der sanitärer Kris ass den Intressi um Direktverkaf geklommen. Och beim LEADER-Projet "Fro de Bauer" gouf sech domat beschäftegt.
Eraus koum eng Oplëschtung pro Kanton.
Op hirer Facebooksäit gi reegelméisseg kleng Filmer gedeelt, déi iech d'Liewen a Schaffen um Bauerenhaff méi no bréngen.
https://www.facebook.com/Frodebauer


LEADER goes digital18/06/2020

Webinar - Reih: LEADER goes digital
Den 2. Juni war de Start vun der véierdeeleger Webinar-Rei „LEADER Luxembourg goes digital“ mam David Röthler & Alexandra Riffler an iwwer 40 Participanten aus de 5 LEADER-Regiounen.
Dës Formatioun ass organiséiert gi vum Landwirtschaftsministère an déi 5 LEADER-Regiounen Atert-Wark, Éislek, Lëtzebuerg West, Mëllerdall a Miselerland. LEADER bitt senge Comitésmemberen a Projetsträger d’Méiglechkeet, nei Online-Instrumenter a flott Beispiller aus verschiddene Beräicher kennenzeléieren an auszeprobéieren fir innovativ Weeër an der lokaler a regionaler Zesummenaarbecht ze testen.

Dat neit Regionalmagasinn ass do!29/04/2020

D'Editioun Fréijoer/Summer 2020 steet am Zeeche vun der Landwirtschaft an de regionale Produzenten.Praktesch fir de Konsument sinn d'Säite mat de Kontakter vun den Direktvermaarter an der Regioun. Déi kënnt dir eraustrenne fir ze ëmmer grëffbereet ze hunn.
Natierlech gitt dir och eppes gewuer iwwert déi lafend Projeten.
Wéi gewinnt fannt dir och d'Rubrik "Dëst an dat" an natierlech och eise Quiz!
Vu dass duerch d'COVID19-Kris d'Eventer bis an de Summer ofgesot sinn, fannt dir an dëser Editioun keen Agenda.
Vill Spaass beim Liesen!

Dossier de candidature Europäischer Dorferneuerungspreis 202011/03/2020

D'Gemeng Garnech stellt mat der LEADER Regioun Lëtzebuerg West 2020 eng Kandidatur fir den "Europäischer Dorferneuerungspreis 2020" - ënnert dem Motto: lokale Antworten auf globale Herausforderungen.
Fir weider Informatiouen: http://www.landentwicklung.org

Regional Energie Cooperative LEADER Lëtzebuerg West 24/02/2020

Den Internetsite vun der regionaler Cooperative ass disponibel!

Biergerbedeelegungsprojet Mamer - nächst Workshoppen21/02/2020

Invitatioun fir déi nächst Workshoppen am Kader vum LEADER Projet Biergerbedeelegung Mamer

Biergerbedeelegungsprojet Garnech - 2. Workshop14/02/2020

Den 11. Februar war den 2. Rendez-vous am Kader vum Projet Biergerbedeelegung Garnech.
Dës Kéier hunn d'Biergerveräiner aus deenen aneren Dierfer hier Entwécklung, Aktivitéiten, Succès, Problemer etc presentéiert. Dono si Beispiller vu Statuten presentéiert ginn, an zum Schluss huet den Architekt en 1. Entworf vun den Ëmstrukturéieren vum Gebai gewisen. D'Leit konnten hier Umierkungen direkt dem Architekt mat op de Wee ginn.

Den nächste Workshop wäert da nees méi praktesch ginn. E fixen Datum ass nach net bekannt.

Biergerbedeelegungsprojet Mamer - 2. Workshop20/01/2020

E Freideg, de 17. Januar war déi 2. Ronn vum Biergerbedeelegungsprojet an der Gemeng Mamer.
Déi Theme wou am éischten Treffen zeréckbehale gi sinn, goufen dës Kéier méi konkret ausgeschafft.

Biergerbedeelegungsprojet Garnech - 1. Workshop15/01/2020

De 14. Januar huet den éischte Workshop am Kader vum LEADER-Biergerbedeelegungsprojet am Veräinshaus zu Garnech stattfonnt.
Iwwer 30 Leit haten sech afonnt fir zesummen hir Iddien zur Sprooch ze bréngen wei d'Verainshaus an Zukunft soll genotzt ginn.

Den nächste Workshop ass geplangt fir den 11. Februar um 19:00 am Veräinshaus zu Garnech

Biergerbedeelegungsprojet Mamer - 2. Workshop13/01/2020

De 17. Januar fënnt zu Mamer den 2. Workshop statt am Kader vum Biergerbedeelegungsprojet.

Entdeckt déi nei Vëloskaart!09/01/2020

Mam Vëlo am Westen:
Déi nei Editioun vun der Vëloskaart 4/2019 ass do!

Réckbléck 201920/12/2019

E Réckbléck op d'Joer 2019:
Ëmsetzung vun de lafende Projeten
a wat soss nach sou lass war

Schéi Feierdeeg18/12/2019

De Comité an d'Mataarbechterinne vum LEADER-Büro Lëtzebuerg West soe Merci fir déi gutt Zesummenaarbecht am Joer 2019 a wënsche schéi Feierdeeg an e gudde Rutsch!

Lescht Reunioun vum Comité déliberant fir 201917/12/2019

De 27. November huet déi lescht Réunioun fir 2019 stattfonnt vum Comité zu Huelmes am Schlass.
Ofgeschloss gouf mat engem mëttelalterlechen Owesiessen am Rittersall.

Biergerbedeelegungsprojet Garnech 11/12/2019

LEADER Lëtzebuerg West encouragéiert seng Partnergemenge mat Hëllef vun de Biergerbedeelegungsprojete fir d'Awunner an d'Konzeptioun vun hirer Gemeng mat anzebannen a fir d'Zougehéieregkeetsgefill ze verstäerken.

Wëlls du als Garnecher Bierger och matbestëmme wat an der Gemeng soll ëmgesat ginn?
Da komm de 14. Januar um 19:00 an d'Veräinshaus, an diskutéier mat!

Biergerbedeelegungsprojet Mamer 06/12/2019

15 Leit waren de 27. November um 1. Workshop vun der Gemeng Mamer.
Flott Iddie si virgestallt ginn mat deenen een am nächste Workshop ka weider schaffen. Kennt Dir Leit déi an der Gemeng Mamer wunnen an sech wëllen aktiv an der Gemeng bedeelegen, da motivéiert se de 17. Januar um 18h00 an d'Mamer Schlass ze kommen, fir weider un deene flotten Iddien ze schaffen, déi duerno dem Schäfferot presentéiert ginn!

Projet Wuesstem 02/12/2019

Am Kader vum Projet Wuesstem, war bis den 1. Dezember d'Ausstellung "Miersch, Metropol vun der Lëtzebuerger Bauerewelt" vun de Mierscher Geschichtsfrënn am Mierscher Kulturhaus ze gesinn.
De 7. November huet de Forum mam Titel "die Zukunft der Landwirtschaft" stattfonnt, organiséiert vum forum - für Politik, Gesellschaft und Kultur an dem Mierscher Kulturhaus a modereiert vum Pierre Lorang.
De Christophe Hansen, d'Daniela Noesen, de Marc Roeder, de Guy Feyder an d'Laure Cales hunn iwwert d'Erausfuerderungen vun der Landwirtschaft am 21. Joerhonnert diskutéiert. Uschléissend konnten d'Leit froe stellen.
E Farmer Brunch ass den 9. November organiséiert ginn. D'Colette Kutten huet iwwert d'Roll vun de Bauerefraen am 20. Joerhonnert an iwwert d'Entwécklung vun den Haushaltsschoule geschwat. Ënnert dem Motto Living Library hu Bauerefraen erzielt wéi sech hir Roll am Betrib an de leschte Joerzengte verännert huet. Uschléissend ass den Dokumentaire "De Baureblues gewise ginn an et ass zesumme gebruncht ginn.

SlowTrips - Workshop "Train the trainer" zu Lëtzebuerg 25/11/2019

Vum 18. bis den 20 November huet den 2. Workshop vum Train the trainer zu Biereng stattfonnt.
Dës Ausbildungsformatioun erméiglecht den Traineren Informatiounen an Iddien ze sammelen fir herno bei hinnen am Land weider Traineren auszebilden, an d'Konzept vum Slowtravel weider ze vermëttelen.
Weider Infoen op:
www.facebook.com/SlowTripsEurope

1. Infoversammlung vun der regionaler Energie Cooperative LEADER Lëtzebuerg West 21/11/2019

Den 19. November huet déi éischt Infoversammlung vun der Cooperative LEADER Lëtzebuerg West zu Tënten stattfonnt. D'Christiane Eicher-Karier, Presidentin vu LEADER Lëtzebuerg West huet d'Bierger begréisst an huet d'LEADER Initiative virgestallt. Den Ed Buchette, President vum Conseil d'administration vun der Cooperative huet erklaërt wéi de Projet zu staane koum, huet d'Membere vum Conseil virgestallt an och d'Ziler an d'Fonctionnement vun der Cooperative. Déi technesch Détailer zu den Anlagen huet de Paul Kauten vum Energiepark Réiden ginn. Am Uschloss haten d'Participanten d'Méiglechkeet fir Froen ze stellen an d'Gemeng Helperknapp huet d'Leit op e Patt invitéiert.
Déi interesséiert Leit wou gëschter net konnten deelhuelen, fannen d'Presentatioun souwéi de verbindleche Bulletin de souscription de part(s) ënnert www.ecoop-west.lu

Dat neit Regionalmagasinn N°21 ass do!06/11/2019

Dat neit Regionalmagasinn n°21 Hierscht/Wanter 2019 mam Thema "Zesummen an eiser Regioun"! ass do.
Dir fannt vill verschidden Theme wou d'Inclusioun eng grouss Roll spillt, Aktualitéiten iwwert eis Projeten, wéi och e Quiz wou dir flott Präisser kënnt gewannen.
Dir kënnt d'Magasinn bei eis um Büro bestellen oder online liesen ënnert der Rubrik Downloads.

De Ländleche Raum a seng Entwécklung : E puer Andréck vu lëtzebuerger Perséinlechkeeten 05/11/2019

Am Kader vun 30 Joer Entwécklung vum ländleche Raum ass e kuerze Film produzéiert ginn bei deem lëtzebuerger Perséinlechkeeten dervun erzielen wat si mat dësem Begrëff verbannen.

Projet SlowTrips - Rees an Umbrien 04/11/2019

Vum 21. bis de 24. Oktober hu mir eng Rees an Umbrien, Italien ënnerholl, wou d'Partner aus de 9 Länner sech ausgetosch hunn, a flott Slowtrips-Iddie gewise kruten.

Regional Energie Cooperative LEADER Lëtzebuerg West04/11/2019

Sidd dir interesséiert fir an d'Projeten vun der regionaler Energie Kooperativ ze investéieren?
Da kommt op déi 1. Versammlung fir d'Bierger vun de Partnergemengen Miersch, Helperknapp, Mamer, Stengefort, Käerch, Garnech an Habscht.
Rendez-vous ass den 19. November um 20:00 Auer am Koschteschbau zu Tënten - 2, rue de Hollenfels.

30 ans de développement rural 25/10/2019

30 ans de développement rural: fête au Cube 521 à Marnach avec des acteurs connus, fameux anecdotes et faits intéressants. Plus que 1.000 projets ont été réalisés afin d'améliorer la qualité de vie au milieu rural. Dans ce contexte, le ministre Romain Schneider a souligné, qu'au futur le développement rural ne perdra pas son importance et qu'il faudra s'adapter au conditions et défis actuelles. Il faudra considérer prioritairement la durabilité et la gestion des ressources.

Austauschrees mat däitschen an éisträichesche LEADER Regiounen10/10/2019

Eng Lëtzebuerger LEADER-Delegatioun huet vum 30. September bis den 2. Oktober eng Rees an Ost-Däitschland ënnerholl, wou si sech mat den däitschen an éisträichesche LEADER Regioune konnten austauschen, an flott innovativ Projet'en kucke goen.

Vernissage Expositioun "Balafré" am Mierscher Kulturhaus 09/09/2019

D'Buch "Balafré und das Wolfsrudel im Merscher Wald" ass am Kader vum LEADER Projet HistoSchool entstanen. De Projet huet d'Zil Unterrechtsmaterial an Aktivitéite fir d'Grondschoulen an der Regioun ronderëm d'Geschicht vun den Uertschaften a Gemengen auszeschaffen an dat an direkter Zesummenaarbecht mat de Schoulen.
Déi historesch So iwwer Wëllef aus dem Mierscher Bësch, baséiert sech op eng Erzielung vum Roger Hilbert, d'Illustratioune si vu Schüler vum Lycée classique de Diekirch – Bâtiment de Mersch.

De Vernissage vun der Ausstellung ass op Invitatioun dënschdes, de 24. September um 18:30 Auer am Mierscher Kulturhaus.


D'Expo ass vum 23. September bis de 27. Oktober 2019 op fir de Public.

Touristesch Broschür "Salve Viator" - Voyagez sur les pas des Romains08/07/2019

Am Kader vum transnationale Kooperatiounsprojet « D’une villa romaine à l’autre au pays des Trévires » ass ufanks Juli déi touristesch Broschür "Salve Viator" - Voyagez sur les pas des Romains an däitscher, franséischer, englescher an hollänescher Sprooch erauskomm.
Demnächst op eise Prospektstänner an der Regioun ze fannen oder ze bestelle beim LEADER-Büro Lëtzebuerg West
via email: lw@leader.lu oder um Telefon: 26 61 06 80

Ubrénge vu Stickeren op de Vëlosschëlter04/07/2019

Am Kader vum LEADER Projet "Mam Vëlo am Westen 2" sinn de 26. Juni Stickeren ubruecht ginn op déi bestoend Schëlter wou de Cyclist informéieren iwwert d'Pente an de Belag vun der Piste an awer och iwwert den Trafic.

CultTrips Formatioun "Train the trainer"03/07/2019

Vum 17. bis den 18. Juni huet d'Formatioun "Train the trainer" a Rumänien stattfonnt. Deelgeholl hunn d'Julia Schrell an de Max Zacharias.
Déi nächst Formatioun "Train the trainer" fënnt vum 17.- 20. November zu Lëtzebuerg statt.

Infoversammlung regional Energie-Kooperativ am Kader vum Projet Klimbera 24/06/2019

Am Kader vum Projet KlimBera huet den 12. Juni zu Miesdref bei Miersch eng Informatiounsversammlung fir d'Partnergemenge stattfonnt. Et ass drëms gaangen,
eng regional Energie-Kooperativ op d'Been ze stellen.
De Paul Kauten vum Energiepark Réiden an de Luc Friedrich vum Service écologique Gemeng Miersch stoungen de Participante Ried an Äntwert.

Infostand mat der Landakademie um Helpermaart zu Beschdrëf24/06/2019

De LEADER Lëtzebuerg West war Päischtsonndeg mat enger flotter Animatiounen present um Stand vun der Landakademie um traditionellen Helpermaart.
Am Kader vum Projet Histoschool sinn am Fondamental vun de Partnergemengen Atelieren & Rallyen entstanen fir de Schoulkanner déi regional Geschicht méi no ze bréngen.
Déi kleng Visiteuren vum Helpermaart hate vill Spaass dobäi, den Atelier “Gruef däin Dinosaurier-Ee ? ? aus!" auszeprobéieren.

Schülervisitt am Kader vum transnationale Projet "d'une villa romaine à l'autre au pays des Trévires" 23/06/2019

Am Kader vum transnationale LEADER Projet "d'une villa romaine à l'autre au pays des Trévires" haten d'Georges Kayser Altertumsfuerscher vun Nouspelt de 14. Mee eng Schoulklass op Besuch vun Habay aus der Belsch. Zesumme waren si sech déi gallo-réimesch Villa Miercher zu Giewel ukucken. Den Intressi säitens de Schüler war grouss.

Opléisung a Gewënner vum Quiz am Regionalmagasinn n°2020/06/2019

Hei déi glécklech Gewënner vum Quiz an der leschter Ausgab vum Regionalmagazinn n°20 mam Thema Waasser:
Mme Anny Fischbach
1te Präis: Corbeille aus dem Bieschbecher Atelier
Mme Manon Falzani zu Stengefort
2te Präis: 2 Dagesentréeën fir Sauna/Wellness an der Piscine Krounebierg
Mme Frieda Vanderbeeken vu Bartreng
3te Präis: 2 Dagesentréeën fir d‘ Piscine Krounebierg
D'Léisung vum Quiz:
Wéi heeschen déi 4 Flëss an eiser Regioun?
D’Äntwert war natierlech: Attert, Uelzecht, Äisch a Mamer

Biergerbedeelegungsprojet Käercher Entdeckungspad - 4. Entrevue 17/06/2019

De 14. Mee huet e weidere Workshop stattfonnt. D'Lynn Bintener vum ORT Zentrum/Westen huet d'Kritäre vun de "Kurze Qualitätswanderwege" erkläert. Duerno sin D'Erkenntnisser vum leschten Treffe rekapituléiert ginn an et huet een sech nach eemol op den Terrain gemach. Et ass zeréckbehale ginn, dass d'Eegentumsverhältnisser musse gekläert ginn. Eiert e weidert Treffe stattfënnt, organiséiert de LEADER-Büro zesumme mam Moderateur e Rendez-vous mat de Gemengeverantwortlechen.

Voyage d’études du 17 mai 2019 à Dehlingen en Alsace Bossue20/05/2019

Un 2e voyage d’études dans le cadre du projet transfrontalier a eu pour destination le CIP La Villa (Centre d’Interprétation du Patrimoine archéologique) à Dehlingen ainsi que la villa gallo-romaine du Gurtelbach. Guidé par le président de la SRAAB (Société de recherche archéologique d’Alsace Bossue), le groupe a pu admirer un site archéologique comparable à celui de Goeblange: fouilles exécutées par une association en coordination avec les ministères respectifs et une villa découverte et sondée par un curé comme pour le site de Goeblange. La visite du CIP a permis de découvrir un autre concept de mise en valeur du patrimoine archéologique et de voir quels moyens peuvent être mis à disposition dans le cadre du développement rural. Des échanges avec Mme Thomann, directrice de la Vie culturelle & Familiale de l’Alsace Bossue, et M. Paquin, directeur Général des Services de la Communauté de communes, ont permis de créer des contacts prometteurs pour de futures coopérations sur les sites de Dehlingen, Mageroy et de Goeblange.

Biergerbedeelegungsprojet Käercher Entdeckungspad - 3. Entrevue 06/05/2019

Den 29.Abrëll war dat 3. Treffen am Kader vum Biergerbedeelegungsprojet Käercher Entdeckungspad. Zesumme si Plaze besicht gi fir ze kucke wou d’Schwieregkeete leien fir Weeër, Sitten an Dierfer mateneen ze verbannen. Et gëtt elo en éischten Tracé ausgeschafft. Nächste Rendez-vous ass de 14. Mee um 18:00 Auer.

Neit Regionalmagasinn n°20 Fréijoer/Summer12/04/2019

Viru kuerzem ass déi nei Editioun vum Regionalmagasinn LEADER Lëtzebuerg West erauskomm.
De Schwéierpunkt vun dëser Ausgab läit um Thema Waasser.
Speziell fir déi 20. Editioun vum Regionalmagasinn gëtt et och e klenge Quiz!
....

Brochür Landakademie N°2/201909/04/2019

Déi nei Broschür vun der Landakademie ass do mat de Weiderbildungen a Fräizäitofferen.
Dir kënnt se gratis bestellen: info@landakademie.lu oder d'PDF-Datei eroflueden.
D'Formatiounen an d'Course fannt dir och op der Internetsäit vun der Landakademie

Pressekonferenz Projet "Fro de Bauer" 08/04/2019

"Fro de Bauer" ass en interterritoriale Kooperatiounsprojet tëscht de LEADER-Regiounen Éislek, Mëllerdall a Lëtzebuerg West mam Zil De Schoulkanner déi modern Landwirtschaft ze erklären an méi no ze bréngen
...

Biergerbedeelegungsprojet Käercher Entdeckungspad - 2. Entrevue04/04/2019

Den 2. Abrëll huet déi 2. Veranstaltung stattfonnt am Kader vum Biergerbedeelegungsprojet: Entdeckungspad Käerch.
Dës Kéier goung et ëm d'Prioriséierung vun den Highlights, fir däitlech ze maache, wéi eng Statiounen aus Siicht vun de Bierger a Biergerinnen Deel vum Entdeckungspad soll ginn. Uschléissend gëtt een eischten Entworf ausgeschafft.
Déi 3. Ronn fënnt den 29. Abrëll um 18:00 zu Käerch um Parking vun der Gemeng statt, wou et heescht e potenzielle Wee ofzegoen.

3. Editioun vun der Vëloskaart 02/04/2019

Pünktlech fir déi nei Vëlossaison: déi 3. Editioun vun der Vëloskaart
L'Ouest du Luxembourg à vélo
Luxemburgs Westen per Rad entdecken
Discovering Luxembourg's West by bike
An Zesummenaarbecht mam:
Office Régional du Tourisme Centre/Ouest
Réidener Kanton
Gemeng Mäerzeg

Biergerbedeelegungsprojet Käercher Entdeckungspad01/04/2019

Et geet an déi zweet Ronn! Nei Participanten aus der Gemeng Käerch si wëllkomm. Et muss een net um éischte Biergerbedeelegungstreffen deel geholl hunn an eng Umeldung ass och net noutwendeg.
Wien also Loscht huet seng Gemeng aktiv matzegestalte ka sech ganz spontan uschléissen.

Biergerbedeelegungsprojet Käercher Entdeckungspad04/03/2019

Den 11. Mäerz huet déi 1. Informatiounsveranstaltung stattfonnt am Kader vum Biergerbedeelegungsprojet: Entdeckungspad Käerch.
25 Awunner waren präsent an hu fläisseg matgeschafft.
Déi 2. Ronn fënnt den 2. Abrëll um 19:30 zu Käerch am Festsall statt.

Kick-off Meeting vum Projet CultTrips30/01/2019

Am Kader vun eisem transnationale Projet mat 5 aneren europäesche Länner (Rumänien, Schweden, Italien, Däitschland, Eisträich), wou eis touristesch Offeren dem Prinzip Slowtravel ugepasst ginn, hunn sech vum 13. bis de 16. Januar all d'Partner déi éischte Kéier zu Hartberg an Eisträich getraff fir sech auszetauschen an d'zukünfteg Virgoensweis ze klären
...

Nei Broschür vun der Landakademie 30/01/2019

Déi nei Broschür n°1/2019 Januar bis Abrëll vun der Landakademie ass do.

Regionale LEADER-Dag 2018 zu Miersch24/09/2018

Och dëst Joer huet de regionale LEADER-Dag nees an der Regioun LEADER Lëtzebuerg West stattfonnt. Ganz nom Motto „Zesummen an eiser Regioun“ setzt de LEADER-Büro mat dëser Veranstaltung op Austausch an Zesummenhalt tëschent hire Partner
....

Stand mat der Landakademie um Eenelter Maart 201820/09/2018

D'Landakademie huet zesumme mat LEADER Lëtzebuerg West an A Musée den 16. September um Eenelter Maart zu Recken bei Miersch deelgeholl. De ganzen Dag goufen ënnerschiddlechen Workshoppen am Landakademie-Zelt ugebueden.

International LEADER-Exkursioun zu Vorarlberg an Eisträich 20/09/2018

Vum 11.-13. September 2018 haten d'Vernetzungsstellen aus Lëtzebuerg, Däitschland an Éisträich op Vorarlberg op eng international LEADER-Excursioun agelueden. Am Kader vun der Excursioun goufe verschidde LEADER-Projeten aus der Gaaschtregioun virgestallt. 50 Participanten aus dräi Länner waren dobäi, dorënner och déi fënnef LEADER Regiounen aus Lëtzebuerg souwéi de Landwirtschaftsministère.

Offiziellen Optakt zu Duelem vum LEADER Projet "ARmob - Antike Realität mobil erleben" 20/09/2018

Optakt vum transnationale LEADER-Projet “ARmob – Antike Realität mobil erleben“ den 3. September beim réimesche Vicus zu Duelem
...

Nationale LEADER-Dag 2018 zu Buerschent 16/07/2018

LEADER-Dag 2018, de 14. Juli 2018
....

LINC 2018 18/06/2018

Vum 12 - 14. Juni war eis Gestionnairin d'Sarah Mathieu mat 3 aner LEADER Gestionnaire vu Lëtzebuerg op d'LINC (LEADER Inspired Network Community) Konferenz déi dëst Joer zu Rauma an zu Uusikaupunkia a Finnland stattfonnt huet.
De LINC verbënnt Erfarungsaustausch mat Sportsveranstaltungen a Kulinareschem.
Vill flott Iddien an nei Kontakter konnte wärend der Rees gesammelt ginn.

Studierees op Borg & Belginium15/06/2018

Am Kader vum transnationale LEADER Projet "D'une villa à l'autre au pays des Trévires" dee mer zesumme mat eise lëtzebuergesche Partner (d'Georges Kayser Altertumsfuerscher asbl) & belsche Partner (GAL Haute Sûre/Forêt d'Anlier & Arc-hab asbl) ëmsetzen, ass den 30. Mee eng Studiërees op Borg & Belginium an Däitschland organiséiert ginn. Mir krute flott Ablécker an d'Fonctionnement, d'Organisatioun an d'Offer fir d'Visiteure vun deene réimesche Sitten.
Fotoen: Lex Kleren (Luxemburger Wort)

Studierees Nordpfade14/06/2018

Am Kader vum Projet WestTrails waren de LEADER Lëtzebuerg West & de LEADER Atert-Wark zesumme mam ORT Zentrum/Westen an dem Klimapakt Réidener Kanton sech de Projet NORDPFADE ukucken. Et konnte vill gutt Iddie mat Heem geholl ginn!

Kuerzfilm iwwert d'LEADER Aktiounsgruppen zu Lëtzebuerg05/04/2018

Kuckt Iech de Kuerzfilm vun de LEADER Aktiounsgruppen hei zu Lëtzebuerg un.

Studieress "Kurze Qualitätswege” - Edersee & Sauerthal 04/04/2018

Am Kader vum Projet WestTrails, waren de LEADER Lëtzebuerg West & de LEADER Atert-Wark zesumme mam ORT Zentrum/Westen sech de Projet "Kurze Qualitätswege" Edersee & Sauerthal vum 13. bis de 14. Mäerz 2018 ukucken.

Damals…06/06/2017

Sind sie vor 1950 geboren?

Wohnen Sie in der Region Lëtzebuerg West?
....

Was ist LEADER?

LEADER ist eine Initiative der europäischen Union und steht für „Liaison Entre Actions de Développement de l’Economie Rurale“. Gemäß dieser Definition soll LEADER Verbindungen zwischen Projekten und Akteuren der Wirtschaft im ländlichen Raum herstellen. Ziel von LEADER ist es, Menschen in ländlichen Regionen zu mobilisieren und ihnen dabei zu helfen, ihre eigenen Ideen zu verwirklichen und neue Wege zu erproben. LEADER soll vor allem dazu beitragen, die regionale Entwicklung in ländlichen Gebieten zu fördern. Die Beteiligung der lokalen Bevölkerung gemäß dem Bottom-up-Ansatz, die Mobilisierung lokaler Ressourcen, das Erproben von neuen Wegen sowie der Vernetzungsgedanke sind wesentliche Merkmale von LEADER.

Begünstige von LEADER sind sogenannte Lokale Aktionsgruppen (LAG). In diesen Gruppen arbeiten öffentliche Partner (Gemeinden und Institutionen) und private Partner aus den verschiedenen sozioökonomischen Sektoren zusammen. Die LAGs sind, dem Bottom-up-Ansatz folgend, für die Ausarbeitung und die Umsetzung der Strategien für lokale Entwicklung verantwortlich.

Mit den LEADER-Fördergeldern werden innovative Projekte im ländlichen Raum unterstützt....Was ist LEADER

Projektdatenbank

HistoSchool - Lokal Geschicht an der Schoul

LAG Lëtzebuerg West
/projekte/histoschool-lokal-geschicht-der-schoul

WestTrails

LAG Lëtzebuerg West
/projekte/westtrails

RIKO I - Regional Informatioun a Kommunikatioun

LAG Lëtzebuerg West
/projekte/riko-i-regional-informatioun-kommunikatioun

Mam Vëlo am Westen

LAG Lëtzebuerg West
/projekte/mam-velo-am-westen

Geschichte vum Duerf I

Kultrun asbl
/projekte/geschichte-vum-duerf-i

KlimBera

LAG Lëtzebuerg West
/projekte/klimbera

Mysteriespill: Den Doud a sengen Äerm

Festcomité 700 Joër Mäerteskierch Simmer asbl
/projekte/mysteriespill-den-doud-sengen-aeerm

Vorbereitungen zu CultTrips 2

LAG Lëtzebuerg West
/projekte/vorbereitungen-zu-culttrips-2

LINC 2017

LAG Eisléck
/projekte/linc-2017

D'une villa (romaine) à l'autre au pays des Trévires

D’Georges Kayser Altertumsfuerscher asbl
/projekte/dune-villa-romaine-lautre-au-pays-des-trevires

ARmob

LAG Lëtzebuerg West
/projekte/armob